हे हे.. हो हो...हा ..............
जम्बू द्वीपे भारतखंडे ,
भारतखंड मा उत्तराखंडे
उत्तराखंड राज की कथा सुनान्दु ,
प्रथम वे शहीदों तें प्रणाम करदु
जौने उत्तराखण्ड राज का बाना
प्राण दे दिनी , शहीद हवे गिनी
हे हे.. हो हो...हा ..............
उत्तराखण्ड मी पहलु राजा tharpey gei,
भा जा पा सा बंशी स्वामी
स्वामी अरियुन का दरवारियुं द्वि साल तक राज
राज क्या करे, ठाठ करे
पूजा पाठ करे, चार को आठ करे
उत्तराखंड के उतन्दंड करे
उत्तरांचल नाम धरे
आपुन गालों पर फूल माला पैरेनी
और निचिंत हो के सो जानी
हे हे.. हो हो...हा ..............
द्वि हजार द्वि मा पैलो चुनाव को संख बजे, रणसिघा गरजे
प्रजा ने स्वामी सा और भगत सिह और भगत सा तै सिउन रों दी
और बार का चंद्रवंशियो ते , राजगद्दी सौप देई
बाहर का चंद्रवंशियो ते , राजगद्दी सौप देई
जनता स्वप्नु देखनी छ
होनी हुन्तियाली का स्वप्ना ,
भली भाल्यार का स्वप्न्या
रोज़गार का सुप्न्या
आज विकास का सुप्न्या
रंगीला सुप्न्या
पिंगला सुप्न्या,
सुपन्या ही सुप्न्या
हे हे.. हो हो...हा ..............
हां तो भाई बहिनों
भारकान चंद्रवंश को पहिलो रजा banein - नौछमी नारायणा
नौछमी नारायणा द्वारिकाधीश कृषण की अनवार हवे परे ,
नौछमी नारायणा राजनीती की पैनी धार हवे परे ,
नौछमी नारायणा चार बीसी बसंत की बहार हवे परे ,
नौछमी नारायणा जवानी को हुलार हवे परे ,
उद्मातो , धन्मातो , जोबंमातो , रूप को रसिया , फूलों को हौसिया
नौछमी नारायणा
कोरस
कलजुगी औतारी रे , नौछमी नारैना, उत्तराखंड मुरारी रे ,नौछमी नारैना-2
छल बलि नारैना रे , नौछमी नारैना, तीले धारू बोला रे, नौछमी नारैना -2
गुलेरा की गारी नरैना, गुलेरा की गारी -3
राज विरोधी रे सदा नि, पर राज गद्दी प्यारी
राज गद्दी प्यारी रे, नौछमी नारैना -२
[CHORUS]
सुन तोलैयी तोल नरैना, सुन तोलैयी तोल-3
खाजा बुखाना सी बातिनी तिन , लाल बातियुं का डोला
लाल बातियुं का डोला, नौछमी नारैना -2
भुजी काटी तरकारी नरैना , भुजी काटी तरकारी -3
द्वि हातून लुतौन्दी नारैना, खाजानु सरकारी
खाजानु सरकारी रे , नौछमी नैरैना . 2
[CHORUS]
हिसारा की गौन्दी नारैना, हिसारा की गौन्दी -3
बियोग्राफी लिक्वारू नारैना तू बैतरण तारोंदी
बैतरण तारोंदी , नौछमी नैरैना -2
[CHORUS]
गोर्खियों की गोरख्यानी नारैना, गोर्खियों की गोरख्यानी-3
कख लमदाली स्य उत्तराखंड, स्य बुधियाँ की सयानी
बुधियाँ की सयानी , नौछमी नारैना -2
[CHORUS]
छम छम छाम्म , चम्म्लेई
विरोध्युं लडोनी ,चम्म्लेई
दरवारियो हसोन्दी , चम्म्लेई
अफ्सरू पुल्योंदी , चम्म्लेई
प्रजा बैल्मोडी , चम्म्लेई
राजनीती की बासुरी नारैना पड़ पड़ी बजौन्दी
नारैना पड़ पड़ी बजौन्दी , नौछमी नारैना -2
[CHORUS]
छम छम छाम्म , चम्म्लेई
देनी देहरादून , चम्म्लेई
दरवार लग्यु छा , चम्म्लेई
नकली राजधानी , चम्म्लेई
अरवारयु की मौज , चम्म्लेई
अरवारयु की मौज, नरैना, चक्डेतु की फौज
चक्डेतु की फौज रे नौछमी नरैना
